Miami, 20 March : Duniya laga number two Aryna Sabalenka toh itu haafta Miami Open dey khiliboley asey, organisers para Tuesday dey kuishey, ekta fellow khiladi para tai laga support offer kurishey tai laga mota aathmatia kuria piche dey. Sabalenka laga partner, Belarusian former NHL ice hockey khiladi Konstantin Koltsov, 42, Monday dey Miami laga upmarket resort dey ekta room laga balcony para jump kurina muri jaishey, police kuishey. Two-time Grand Slam winner Sabalenka toh Miami Open laga Hard Rock Stadium venue dey Tuesday din dey practice kurishey kitia organisers kuishey ki tai withdraw kuriboley hudianai aro khiliboley iraata thakishey.
Minsk laga itu 25-saal khiladi, kun 2023 dey Australian Open jitishey aro tai laga Melbourne title itu saal agey dey retain kurushey, Spain laga Paula Badosa ke second round dey samna kuriboley pachina asey.
Badosa, Sabalenka laga ekta close saathi, kuishey ki itu match toh “uncomfortable” huwo.
Miami-Dade police spokesman Argemis Colome para ekta email dey Monday dey kuishey 12:39 a.m. (0439 GMT) dey, police toh St. Regis Bal Harbour Resort dey dispatch kurishey, ekta mota balcony para jump kuria reference dey.
Bal Harbour toh Miami Beach laga northern part dey ekta high-end district asey, kuntu ekta luxury shopping mall aro plush accommodations karney mashoor asey.
Add Comment