March 20, 2024 : Itu Nagaland State Disaster Management Authority, Home Department para itu Department of Health & Family Welfare aru Geo Hazards Society, India logotey collaborate kuri kena, ekta teen- din laga Hospital Disaster Preparedness & Capacity Building Program organize kurishey, 19th March, 2024 tey, Naga Hospital Authority Kohima tey para.
Itu Inaugural program laga homoi tey, Jt. CEO, NSDMA, Johnny Ruangmei para ekta khata overview present kurishey, itu training laga, kuntu pichetey, ekta speech dishey, NHAK laga Managing Director, H&FW, Dr. Sendimeren Aonok para. Principal Director, H&FW, Dr. Ritu Thur para bhi ekta khata speech dishey aru Vote of thanks toh hoiley Assistant Manager (Training & Education) para propose kurishey, NSDMA laga – Khrolou Koza Lohe para. Itu program laga resource person khan toh hoiley – Dr. Hari Kumar, Pranav, Shivangi aru Tiakala Difusa thakishey tatey. Itu program toh hoiley by Deputy Director & State Nodal Officer, DM Cell DoH&FW, Dr. Nyan Kikon para chair kurishey.
Itu training laga main objective toh hoiley doctor khan aru medical practitioner khan nimitey asey, tyaar thakiboley, kiba kibi hazard khan hoishey koiley, kuntu toh Nagaland tey kiba napunchi kena asey utu khan tey puncha boley. Itu training toh hoiley, Hospital Disaster Management Plans ulaboley karney bhi aim kurishey, sob District Hospital CHCs aru PHCs khan nimitey.
Add Comment