Aizawl, March 21 : Opposition Mizo National Front (MNF) logotey election hobole ageyte alliance kuribole nimitey discussion kora tu nakamyab huwa picheyte Congress party para Mizoram te Lok Sabha election independently kuribole chunisey.
Mizoram tu Lok Sabha election nimitey April 19 te vote kuribole asey.
Mizoram te ekta single Lok Sabha constituency asey.
Poila te, Congress, kun para Mizoram ke 1987 para loikina komsikom 20 saal cholaisey, tai tu ruling Zoram People’s Mizoram (ZPM) laga khilaf te ekta joint front banabole baat-chit kora te shamil asey.
Hoilebi, taikhan tu eku general agreement te pungchanai. Kuntu nimitey Congress para Mizoram te nijor para Lok Sabha election contest kuribole faisla kurisey.
Dusra fale, former Mizoram Chief Minister Zoramthanga para chola Mizo National Font (MNF) tu BJP para chola Northeast Democratic Alliance (NEDA) logotey haath milaisey aro national level te National Democratic Alliance (NDA) laga sathi asey.
Etu majotey, Mizoram laga ruling ZPM tu 2017 te establish huwa picheyte first time Lok Sabha polls independent para contest kurisey, 46 years laga entrepreneur Richard Vanlalhmangaiha ke taikhan laga candidate nominate kurisey aro politics te tailaga debut mark kurisey.
MNF laga C Lalrosanga tu etya Mizoram laga present MP hoikina seva kuri asey.
BJP aro MNF duijun bi ahible thaka election nimitey taikhan laga candidate announce kuribole baki asey.
