Agartala, March 21 : Tripura BJP President Rajib Bhattacharya para confidence jataisey ki party workers khan para mon dikina mehnat kora para rajya laga duita Lok Sabha seat te bi Bharatiya Janata Party (BJP) laga jeet hobo.
Bamutia assembly constituency te dorja dorja jaikina campaign kora te participate kora homoitey, Tripura BJP Chief Rajib Bhattacharya para samjhaisey ki ahibole thaka Lok Sabha election nimitey, BJP tu active para door-to-door campaign te bhak loi asey aro dangor support pai asey.
Tripura BJP Chief para koisey, “BJP worker khan tu Narendra Modi ke India laga Prime Minister elect kuribole laga goal para mondikina kaam kuri asey aro Narendra Modi laga leadership ke aro tagra banabole nimitey Tripura laga duita parliamentary seat te bi BJP ke jita dikhibole.”
Tai para koisey, “Etu objective ke dimag te rakhikina, amikhan laga worker khan tu nijor laga kaam te pura mondikina lagikina asey. Amikhan tu PM Modi laga message ke spread kuribole nimitey sob ghor ke visit kuribole committed asey. Aro ami tu pura confident asey ki Tripura aro desh laga pura development nimitey Narendra Modi tu Prime Minister re-elect hobole asey.”
