Guwahati, March 21 : Department of School Education, Assam para Shiksha Setu app laga through para teacher aro student khan laga daily attendance track kuribole jaruri banaidisey.
Assam laga Samagra Shiksha laga Mission Director Om Prakash para March 20, 2024 te issue kora ekta notification para April 1, 2024 para suru kurikina Shiksha Setu app cholabole jaruri banaidisey.
Etu initiative para teacher khan laga zimidari ke improve kuribole aro rajya laga education system bhitor te attendance management ke smooth kuridibole aim kuri asey.
Official notification te stakeholders, district aro sub-district level laga education official khan ke nijor ke Shiksha Setu app logotey familiarize kuribole instruction disey.
Etu transition smooth para hobole dibole nimitey, taikhan ke March 23, 2024 tak te pilot phase chuli thaka homoitey technical problem jhelisey koiley report kuribole request kurisey.
