Agartala, March 21 : Drugs dhanda kora te ekta dangor kadam utha te, Tripura police para duijun manu ke arrest kurisey aro Tripura laga North District under te thaka Damcherra te Rs 6 crore laga yaba tablet seize kurisey.
Damcherra tu Tripura aro Mizoram majotey thaka ekta jaga asey.
Etu mamla te kotha kurikina, North District Superintendent of Police, Bhanupada Chakraborty para koisey ki kotba para khufiya jankari pa picheyte police para Tripura-Mizoram border osor te ekta Bolero gari ke rokhaisey aro illegal bustu khan paisey.
SP para koisey, “Etu operation tu Damacherra police station laga Officer-in-Charge Sanjay Majumdar para chola ekta team para Thursday phujur te kurisiley aro etu te duijun suspected drug dhanda kora manu arrest hoisey. Etu rokhaikina rakha gari, kuntu laga registration TR01b-0314 asey etu te 60,000 Yaba tablet lukaikina thaka paisey kuntu ke 6ta bundle te pack kurikina thakisey. Etu seize kora drugs laga kimat tu Rs 6 crore maan asey. “
Etu drugs smuggle kuribole kosis kora laga connection te arrest huwa manu khan tu Sepahijala District laga Bishalgarh area te thaka 34 years laga Maman Hossain aro West District under te thaka Ranirbazar locality te boha 35 years laga Chandra Singh thakisey.
Etu talashi luwa picheyte, mujrim khan ke law enforcement personnel para custody te loijaikina Thursday te Dharmanagar district court ageyte produce kurisey.
