March 21, 2024: Nagaland State Human Rights Commissioner (NSHRC) para ekta team, Jalukie Town deh ahi shae ekta two-day visit karne Peren District deh. Team tho NSHRC laka chairman, Justice Songkhupchung Serto para lead kuri shae. Taikan 20th March 2024 deh Jalukie deh ahi shae. NSHRC member, R.Nzanbemo Lotha, Secretary, Limanenla aro alak officials kan para taike company kuri shae. Taikan kile visit kuri ase koile tho, alak alak welfare schemes evaluate kuri bo aha ase aro taikan laka implementation kinaka kuri ase, etu sab oleh ase Human Rights perspective para.
Taikan laka first din deh, Justice Serto ekta meeting lui shae Government Higher Secondary School Jalukie laka staff aro principal lokot deh. Meeting tho etu kan laka mamla deh lui shae: Maths aro science teachers laka shortage, classroom laka shortage, adequate infrastructure aro educational facilities bishi nataka karne, poor background para aha students kan karne hostel aro school laka overall functioning karne.
Serto para meeting deh science stream para alak alak career opportunities kan offer kureh kui shae. Tai etu kwa time deh, higher secondary level deh science stream tho introduce kuri bole zaruri ase kui shae. Tai para school kan overhead water tank bana bole lakeh kui nah suggest kuri shae kuto school laka bathrooms aro toilets deh chubo pari bo.
Etu piche deh team para CHC Jalukie, visit kuri shae. Visit tho, hospital deh available taka medical services aro facilities kan sabo karne aha ase. Visit deh, taikan CMO Peren aro CHC jalukie laka staff kan lokot deh kotha kuri shae.
Second din deh, team para Jalukie Police Station deh ekta visit conduct kuri shae aro police personnel kan lokot deh ekta lamba kotha kuri shae. Etu piche deh taikan, Role of Human Rights Commissioner in Advancing and Protecting Human Rights at Women Welfare Hall deh ekta awareness program organize kuri shae. Etu program tho taikan CSOs, student body, Women Organization, alak alak Govt. departments, local GBs, VCCs Administrative Officers aro Police personnel kan lokot deh lui shae.
Awareness program deh ekta keynote address dia time deh, NSHRC Chairman, Justice S. Serto para kinaka National & State Human Rights Commission ahi shae, etu deh kotha kuri shae. Tai, Commission laka functions aro roles deh b kotha kuri shae.
Advicote, Neitso Koza para Rights to health & Education deh kotha kuri shae. Awareness program tho NSHRC Secretary, Limanenla para chair kuri shae aro vote of thanks tho ADC jalukie, T.L Kiusumong Tikhir para deliver kuri shae.
Etu kototm hua piche dehm, taikan Ahthibung deh jai shae GHSS, PHC aro Police Station visit kuri bole.
(Mamng IA, Peren)
Add Comment