March 22, 2024 : Ekta collaborative effort tey, itu 8 A/C Western Angami laga Village Adoption Committee aru itu 7 Assam Rifels Sechü-Zubza, para ekta Football Penalty Shootout tournament toh hoiley organise kurishey, itu Khonoma village laga Christian Welfare School tey para. Itu “Get High on Grades – Not on Drugs,” laga theme logotey, itu event toh hoiley youth khan ke substance abuse tey para durr hataboley karney aim kuria laga thakishey aru academic excellence phaney loijaboley laga thakishey koishey.
Sechü-Zubza laga SDO (C) – Athrong, para ekta message deliver kurishey, education ke prioritize kuriboley laga importance toh emphasize kurishey, drugs laga pichetey jai thaki kena manu toh khotom hoa tey para bachiboley. Athrong para participants khan ke urge kurishey, responsible member khan hoboley, society laga aru ambassador khan laga hisap tey serve kuriboley koishey, drug abuse laga against tey fight kuriboley.
Tatey itu event tey, thirteen team khan participate kurishey, itu tournament tey, tai khan laga skill khan aru team work khan showcase kuri kena. Itu Khonoma Students Union toh jeetiboley parishey, championship laga title claim kuri kena. Olop para jeetiboley thaka para hari jawa khan toh hoiley Khonoma Youth Organization “C” khan thakishey koi asey, tai khan first runners-up pai kena, aru Baptist Khriesarüü Krotho khan toh second runners-up position paishey. Cash prise khan toh hoiley award dishey itu winner khan ke, sports equipment khan logotey aru itu logotey itu Christian Welfare School ke bhi donate kurishey koishey.
Eneka he, ekta Medical Camp toh hoiley conduct kurishey, Khonoma Bosti laga Community Hall tey, essential healthcare service khan extend kuri kena, itu community khan ke. Tatey pura puri 198 manu khan thakishey, 91 mota manu khan, 57 maiki manu khan, 50 bacha manu khan, itu free medical check-up para aru tai khan toh hoiley complimentary medicine khan paishey koi asey itu camp tey para.
Add Comment