US, 25 March : Biofire Technologies, ekta Colorado-based technology company, United States laga market dey first biometric “smart gun” ship kuriboley taiyari kuri asey. NBC News hisab dey, itu bandook para facial recognition aro fingerprint technology chulaina itu bandook chulawoley laga manu khan ke unlock kuri dey. Iti toh ekta rechargeable, removable, high-endurance lithium-ion battery para power kurey, kuntu bishi mahina karney chuliwo, company para koa hisab dey.
NBC News laga hisab dey, Biofire para janai dishey ki taikhan laga agey 9 mm handguns laga shipping toh itu mahina khotom huwoley homoi kuribo. Kui asey ki itu smart guns laga agey batch toh investors, saathi aro firm laga inner circle alag khan ke agey jawo. Ahia mahina khan dey, itu laga first paid customers khan taikhan laga orders pawo, itu halishey.
Itu smart gun toh ekta bishi specific purpose serve kuriboley design kurishey : Ekta hatiyar kuntu unauthorized manu para chulawo naparibo, bishi pak bacha khan. Itu company agey dey kuishey ki itu bandook para biometric data chulai kuntu kitia bhi firearm nacharey, kutey onboard WiFi, Bluetooth, nahuiley GPS nai.
Home defence karney design kurina, itu $1,499 bandook para firearm owners ke nijor ke defend kuriboley enable kurey kitia unauthorized access aro misuse bhi prevent kurey, itu company laga hisab dey. Itu toh right-handed aro left-handed models dey pai asey, aro customizable grip-size options bhi pai asey.
Add Comment