Pakistan laka suicide bombing deh pastha Chinese national muri jai shae

March 26, 2024: Tuesday din, northwest Pakistan deh ekta suicide bomber para convoy keh hamla kura tho pastha Chinese nationals muri jai shae, Reuters para report kuri shae. Etu suicide bomber tho bomb taka gari keh chulai nah Chinese engineers laka ekta convoy keh lakai di shae. Etu Chinese engineers kan tho Islamabad para taikan laka Desu deh taka camp deh jai taki shae, Reuters para police chief Mohammad Ali Gandapur keh quote kuri nah kui shae,

“Pastha Chinese nationals aro taikan laka Pakistani driver muri jai shae hamla deh,” Gandapur para kui shae. Tuesday laka hamla deh kun b responsibility lua nai.

Bisham Station House officer (SHO) Bakht Zahir para incident tho ekta “suicide blast” taki shae kui shae aro authorities concerned kan evidence jama kuri taki shae, Dawn.com para report kuri shae.

Security arrangements kan spot deh tight kuri di shae aro bodies kan tho ekta hospital deh shift kuri di shae, tai para aro kui shae.

“Suicide bomber laka gari tho kute para ahi shae aro kinaka ahi shae, etu investigate kuri bo mukan,” SHO para kui shae.