Singapore, 2 April : Joseph Schooling, kun para famously tai laga idol Michael Phelps ke Rio dey haraina Singapore laga first aro khali Olympic champion huishey, Tuesday dey kuisheh ki tai competitive swimming para retire hui asey.
Schooling para itu announcement social media dey janai dishey, American great Phelps ke haraina 100m butterfly gold jitia piche d3y duniya ke stun kurina eight saal piche dey.
Schooling toh Tokyo 2020 dey itu eki event karney qualify kuribo parianai aro tai laga career toh Jakarta dey 2018 Asian Games dey 50m aro 100m butterfly dey gold medals jitia piche dey ebb kuria shuru huishey.
“Aji para notun chapter laga shuruwat mark kuri asey — mui competitive swimming para retire hui asey,” itu 28-saal para Instagram dey kuishey.
Straits Times newspaper logot ekta interview dey, Schooling kuishey tai complacent huishey.
Tai jaa saal laga Asian Games aro Southeast Asian Games para ulaina tai laga career upar dey doubts thakishey, kuishey ki tai sobse bhaal diwoley level dey nai.
Schooling, kun tui saal mandatory military service perform kurishey, 2022 dey controversy dey thakishey desh laga bahar dey cannabis khaa laga confess kuria piche dey.
Singapore toh duniya dey sobse toughest drugs laws asey, aro citizens toh city-state laga bahar dey illegal substances khaina pailey 10 saal prison samna kuribo parey.
Schooling ke ekta warning dishey aro ekta supervised urine test regime dey six mahina karney rakhishey.
Tai toh tai laga military service homoi train nahuiley compete kuriboley karney jawoley eligible nahui jaishey.
Schooling para Straits Times ke kuishey ki tai itia tuita venture capital partners logot “health aro wellness, tech aro sustainability” sectors dey kaam kuriboley asey, aro golf bishi khilibo.
Add Comment