April 5, 2024: President Joe Biden para Israeli Prime Minister Benjamin Netanyahu keh US laka support tho Israeli laka nutun steps deh depend ase kui shae. Tai para Israel kan, Gaza deh taka civilians kan keh protect kuri bole nutun steps lua isap deh support tho dibo kui shae. American leader karne etu tho ekta position shift ase. tai international pressure bishi pai nah ahi ase, Israel laka against aro kara line lubi kui nah.
Etu warning tho Thursday din laka phone call deh hui shae kuto tuita leaders laka majo deh taki shae. Agae deh ekta Israeli strike para satha manu keh murai di shae kun kha saman kan displaced Palestinians kan keh deliver kuri taki shae. Aro etu hua piche deh Biden, taila stance tho kara kuri ase. Biden para etu incident tho “unacceptable” ase kui shae, White House laka call description isal deh.
Olop piche deh, Prime minister laka office para country laka security cabinet kan assistance bolters kuri bole authorized kuri shae kui shae ekta humanitarian crisis prevent kuri bo karne.
Israel kan Gaza laka jaka deh temporary aid deliver kuri bole dibo Ashdod aro Erez checkpoint laka rasta para, Netanyahu laka office para ekta statement isap deh. Statement deh Jordanian aid kan aro flow kuri bole b pari bo kui shae Karem Shalom crossing deh. Statement laka isap deh decision tho fighting tho kuri taki bole dibo aro war laka goals kan b achieve kuri bole dibo.
Add Comment