April 05, 2024 : State cabinet para Thursday tey ekta closed door consultative meeting loishey, Eastern Nagaland Gazetted Officer Association (ENGOA) logotey aru alag senior official khan logotey, Eastern Nagaland para, itu Chief Minister laga residential complex tey.
Itu media ke address kuri kena, meeting loa pichetey, minister & government laga spokesperson – KG. Kenye para koishey, itu Cabinet toh hoiley ekta meeting loishey ENGOA logotey, poila bar, aru kunba leader khan logotey, itu region laga. Tai para koishey, itu meeting laga homoi tey, kuntu toh hoiley bhal para represent kurishey, leader khan para, itu region para, tai khan itu sob document khan opor tey kotha kurishey, aru itu status laga development laga asurit paishey, kuntu toh hoiley itya tak hoi asey, itu notun political entity karney, itu region para bisari thaka laga tey.
Itu mention kuria homoi tey ki, itu toh hoiley healthy, free aru fair discussion thaki kena koi kena, Kenye para koishey: “Itu state government para toh hoiley ekta brief report present kurishey, kuntu homoi para itu toh shuru hoishey 2010 tey para up to date tak laga”. Tai para aru koishey ki, alag alag member khan toh hoiley tai khan laga opinion khan aru view khan present kurishey.
Add Comment