April 06, 2024 : Itu Kiphire laga District Disaster Management Authority para toh hoiley discuss kurishey aru deliberate kurishey, itu monsoon laga tyaar kuriboley laga opor tey, itu meeting laga homoi tey, 5th April, 2024 tey, itu Deputy Commissioner laga Conference Hall tey, Itu meeting toh hoiley Kiphire laga DDMA Chairman & DC -Temsuwati Longkumer para chair kurishey.
Itu meeting tey, National highway, R & B ke toh hoiley direct kuri di kena asey, ensure kuriboley, town laga raasta laga clearance laga, itu raasta khan kuntu toh hoiley bosti khan phaney lead kurey, heavy monsoon laga pani nagira agey para, public laga safety nimitey, aru transportation laga convenience nimitey, itu upcoming Election laga homoi tey. Alag stakeholder department khan ke toh hoiley tyaar thakiboley direct kuri dishey. Petrol pump laga owner ke toh hoiley inform kuridishey tel khan toh hoiley stock tey rakhiboley, ready thakiboley emergency khan nimitey, aru itu Kiphire Town Chamber of Commerce aru Industry (KTCCI) ke toh hoiley direct kurishey, food stock laga availability khan nimitey. Fire aru Emergencies, Medical, IR battalion, alag stakeholder aru department khan bhi milai kena direct kuri di kena asey, tyarr thakiboley karney, tai khan laga respective task tey.
Itu discussion laga homoi tey, itu members khan para itu bhi decide kurishey, ekta mass social work organise kuriboley karney, itu town laga area khan tey, itu pani rukhi jawa jaga khan area khan aru drainage khan toh sapha kuriboley, waste deposit khan para, itu town tey, landslide khan nahobo diboley aru itu public laga safety nimitey.
Add Comment