April 7, 2024: Lahore, Former Pakistan Cricket Board chief Zaka Ashraf Baba Azam keh captain laka position para hata bole taila decision tho defend kuri shae. India deh team kan taikan laka ODI World Cup campaign tho disappointing taki shae aro etu karne etu decision tho bana ase.
White Ball captain karne Shaheem Shah Afridi keh nahoi Muhammad Rizwan keh appoint kuri b kui nah Pakistan laka former captain Shafid Afridi para tai Zaka keh advise kuri shae kui shae. Shaheen Shah Afridi tho taila son-in law ase. Aro etu claim tho Zaka para deny kuri shae.
Babar keh recently white ball skipper appoint kuri shae aro ekta series karne side laka leader kura piche deh Shaheen tho etu axe pai shae. “Mui yat kura takt ho, Shahid kitia b enaka nishi nah suggestion bana nai muike. White ball formats deh Rizwan keh captain appoint kuri bole,” Zaka para Lahore deh taka media keh kui shae.
Shahid para television aro interview deh bishi par kui nah ahi ase, tai kita b Shaheen keh captaincy laka position lubi dib oleh mun taka nai kui shae. Etu nahoi nah tai Zaka keh b suggest kuri shae kui shae Rizwan keh white ball captain bana bole.
World Cup piche deh tai kitia b captain laka position para Babar keh hata bole huda nai kui shae tai para. “Etu tho tai nijor laka decision taki shae. Mui kitia taike mili shae, mui taike clear para kui shae. Sob format deh lead kuri bole laka burden tho sob manu feel kureh kui nah. Aro taike tho red ball captain taki bo lakeh kui shae mui para,” Zaka para kui shae.
Add Comment