Monaco, 8 April : Sumit Nagal toh agey Indian huishey kun Monte Carlo Masters singles main draw dry ghusishey 42 saal dey, Argentina laga Facundo Diaz Acosta ke final qualifying round laga three-setter dey harai dia piche dey Sunday.
Nagal, duniya dey 95th rank kurina, tai laga world number 55 rival ke ekta gruelling match dey 7-5 2-6 6-2 haraishey kuntu tui gondha aro 25 minutes luishey.
Main draw laga first round dey, tai world number 35 Italy laga Matteo Arnaldi ke clay court tournament dey log pawo.
Itu 26-saal Nagal toh legendary Ramesh Krishnan laga footsteps follow kuri thakishey, kun itu tournament laga main draw dey 1982 dey ghusishey.
Nagal para Italy laga world number 63 Flavio Cobolli ke qualifying event laga first round dey 6-2 6-3 haraishey.
Nagal toh January dey Australian Open laga main draw dey ghusia piche dey para luina spotlight dey asey, kutey tai Kazakhstan laga Alexander Bublik ke haraina second round dey ghusishey.
Itu piche dey tai Chennai Open ke jeet luishey aro tuita Challenger competitions nakhilia asey, ekta ATP 500 competition (Dubai Championship) aro tuita ATP 1000 Masters (Indian Wells aro Miami) logot.
Add Comment