D Gukesh toh Fabiano Carunana khilaf draw; Vidit Gujarathi toh Nepomniachtchi khilaf harishey

Canada, 8 April : Grandmaster D Gukesh para bhaal khilina top-seeded American Fabiano Caruana logot draw kurishey huilewi Vidit Gujrathi toh Russia laga Ian Nepomniachtchi khilaf haarishey, Candidates chess tournament laga fourth round dey kuntu yatey itia chuli asey.

R. Praggnanandhaa para United States laga Hikaru Nakamura logot ekta uneventful draw kuria din dey, Azerbaijan laga Nijat Abasov para point split kuriboley France laga Firouzja Alireza logot ladai kurishey, eight-player double round-robin event dey contention dey thakiboley kuntu para next world championship karney challenger faisla kurey.

Nepomniachtchi toh white pieces logot tai laga second jeet agey dey three points logot itu event toh first sole leader huishey aro tai toh itia Caruana aro Gukesh para 2.5 points apiece dey picha kuri asey. Praggnanandhaa toh eman piche nai tuita points komti logot fourth spot dey kitia Gujrathi, Abasov, Alireza aro Nakamura khan identical 1.5 points asey.

Mahila laga section dey, R Vaishali para tai laga streak toh jawaan sibling Praggnanandhaa logot match kurishey aro ekta draw khilishey kitia Russia laga Aleksandra Goryachkina ke favourite rate kurishey huilewi Koneru Humpy toh sobse komti seed aro jawaan khiladi, Bulgaria laga Nurgyul Salimova laga haat khilaf agey haar dey girishey. Zhongyi Tan para Russia laga Kateryna Lagno khilaf draw kurina three points logot tai laga lead maintain kurishey kitia China laga Tingjie Lei para Ukraine laga Anna Muzychuk logot peace sign kurishey.

Results round 4 (Indians): Ian Nepomniachtchi (Fide, 3) para Vidit Gujrathi (1.5) ke haraishey; Hikaru Nakamura (USA, 1.5) toh R Praggnanandhaa (2) logot draw kurishey; Fabiano Caruana (USA, 2.5) toh D Gukesh (2.5) logot draw kurishey; Nijat Abasov (Aze, 1.5) toh Firouza Alireza (Fra, 1.5) logot draw kurishey.

Mahila : Aleksandra Goryachkina (Fide, 2.5) toh R Vaishali (2) logot draw kurishey; Nurgyul Salimova (Bul, 2) para Koneru Humpy (1.5) ke haraishey; Kateryna Lagno (Fide, 2) toh Zhongyi Tan (Chn, 3) logot draw kurishey; Anna Muzychuk (Ukr, 1.5) toh Tingjie Lei (Chn, 1.5) logot draw kurishey.