New Delhi, April 11 : Payal Kapadia laga debut fiction film “All We Imagine As Light” tu ahibole thaka Cannes Film Festival te top honours nimitey compete kuribole asey kuntu tu May 14 para 25 tak chulibole asey. Etu tu 30 years te Palme d’Or award nimitey compete kuribole thaka first Indian film asey.. Akhri film tu 1994 te Shaji N Karun laga ‘Swaham’ film thakisey.
Kapadia laga etu film tu duniya laga jana mana director Francis Ford Coppola, Sean Baker, Yorgos Lanthimos, Paul Schrader, Magnus Von Horn aro Paolo Sorrentino khan laga film logotey compete kuribole asey. Etu film khan ke ‘Ladybird’ aro ‘Barbie’ laga director Greta Gerwig para judge kuribole asey.
Anurag Kashyap para bi comment kurikina likhisey, “30 years picheyte, main competition te ekta Indian film ahisey.”
British-Indian filmmaker Sandhya Suri laga film ‘Santoshi’ ke bi etu film laga Un Certain Regard section nimitey select kurisey.
Etu tyohar tu May 14 te Quentin Dupieux laga ‘The Second Act’ logotey khulibole asey.
Add Comment