12th Fail film para ekta nutun record banisey

New Delhi, April 12: 12^th fail tu khali ekta film ekla nohoikina ekta emotion asey. Vikrant Massey para etu film te Manoj Kumar Sharma laga role play kora nohoikina tai nisna thakisey. Etu film tu juwa saal October 2023 te release hoisiley aro release hoikina 6 moina huwa picheyte bi etya tak cinema te bhal para chuli asey. 12^th Fail film te lead role te Vikrant Massey aro Medha Shankr thakisey. Etu film para ekta nutun mukam hasil kurisey kuntu ke juwa 23 years te kuntu film para bi hasil koranai. 12^th Fail tu theatre te successfully chulikina taikhan laga silver jubilee complete kurisey. Aro etu film laga actor khan tu etu nutun record nimitey audience khan ke kiman dhanyabad dibo eman komti lagi asey.

12^th Fail film dangor hit huwa picheyte, Vikrant Massey tu rati rati famous hoijaisey. Rai para etu film laga success tu  film industry te tailaga second innings asey. Tai tu bisi homoi para bhal content thaka film pabole dukh kuri thakisey. 12^th Fail film laga ageyte, taikey Chappak film te Deepika Padukone logotey dikhisiley, kotey tai Deepika laga hero laga role kurisey. Hoilebi aji, 12^th Fail laga success para taikey lamba pehchan disey.  Etu film ke outshine kora film tu leading actress Medha Shankr asey. Tai tu etu film laga jaan asey aro tailaga performance bisi bhal thakisey. 12^th Fail para etu success deserve korey.