Kohima, January 27: 27th January, 2017, Directorate building (IT&C) te Chief Secretary of Nagaland, Pankaj Kumar, IAS pora Business Process Outsourcing (centre) laga inauguration kori dikene thakishe.
Business process outsourcing laga first phase karone Chief Secretary pora Department of IT&C ke appreciate korikene koise, eitu toh state laga jawan chokra-chokri khan karone bisi important ase. Upcoming generation khan bi bhal pora IT sector te join koribi koikene tai pora encourage korikene thakishe.
BPO laga importance opor te kotha korikene tai pora koise, Department laga pohila kaam toh eitu project ke cholabole ase aru Government of India ke bi request korikene north eastern states – Nagaland karone special consideration kori dibi kobo koikene tai pora assure korishe. Department laga eitu natun project karone tai pora best wishes dishe aru BPO laga success karone tai pora asha (hope) kori ase koikene janai dishe.
Commissioner & Secretary IT&C, K.D Vizo pora keynote address korikene Business Process Outsourcing (BPO) toh ki ase, eitu janai dikene thakishe.
Add Comment