New Delhi, May 12 : Actor Allu Arjun para Andhra Pradesh laga Nandyala te MLA Shilpa Ravi Chandra Kishore Reddy ke support kuribole nimitey ja picheyte, tailaga khilaf te Model Code of Conduct(election nimitey bana nyom) bhanga nimitey ekta case register kurisey. India Today laga hisap te, Yuvajana Sramika Rythu Congress Party (YSRCP) MLA Chandra Kishore Reddy laga khilaf te bi ekta case file kurisiley.
Report hispa te, Allu Arjun aro Reddy laga opor te Saturday din te Reddy laga ghor te dangor public gathering allowed kora laga iljam lagaisey. Kuntu para Andhra Pradesh election ageyte election laga nyom ke bhangaisey. Kotey election May 13 te hobole asey.
Report hisap te, etu MLA para Allu Arjun ke etu gathering attend kuribole permission noloikina invite kurisey. FIR tu Section 144 ke bhanga nimitey file kurisiley, kuntu tu Andhra Pradesh te impose hoikina asey. Nandyala Rural para Deputy Tehsildar P Ramachandra Rao para etu case register kurisey.
Saturday din te Reddy ke tailaga ghor te lok kora picheyte Allu Arjun para kinimitey Nandyala visit kurisey etu laga karon koisey. Report hispa te tai para koisey, “Ami yatey nijor marji para ahisey. Ami laga sathi khan majotey, taikhan kuntu field te thakisey koilebi, judi taikhan ke ami laga modod laga jarurat asey koiley ami agey barikina taikhan ke modod dibo. Etu laga matlab tu ami para kuntu political party ke bi modod diya nohoilebi support kora laga nohoi.”
Fan khan para Allu Arjun ke Pushpa : The Rule te dikhibole asey kuntu August 15 te release hobole asey.
Add Comment