New Delhi, May 13 : Actor-musician Shruti Hasaan tu 5years laga umar para gana kuri asey. Hoilebi tai laga interest tu independent English gana banabole te jaijaisey. Tai tu Tamil, Telugu aro Hindi film industry te tailaga acting project thaka nimitey bi jana jai, hoilebi tailaga hisap te English music tu India te etya take man audience tak pungchanai.
Olop din ageyte, musician Ananya Birla para announce kurisiley ki tai music chari asey. Aro manu khan ke India te bana English music ke bi ekta chance dibole appeal kurisey.
Indian English music laga halat laga kotha kurikina, Shruti, kun para 2020 te tailaga first Independent English gana ‘The Edge’ release kurisiley tai para koisey, “Ami first suru kora homoi para tu etya bisi behtar hoisey, hoilebi asol Indian English music tu eman bhal halat te nai. Ami para regional(desh nohoilebi nijor nijor bhasa laga) independent music laga value buji asey.”
Shruti Hassan kunlaga umar 38 years asey tai para popular Bollywood gana Desi Girl laga example loikina ekta interesting observation kurisey. Tai para koisey, “English lyrics thaka Hindi aro Tamil gana bisi asey aro kun para bi etu ke question nokorey. Ami nimitey etu bujibole mushkil asey. Jitya apni gana te English lyrics ke dusra bhasa logotey mix korey etu cute asey aro ami para bi etu buji asey hoilebi jitya ekta English gana laga turn ahey, etu ke posond nokora dikhisey ami para, kuntu ami nimitey ajeeb asey.”
Shruti, kun para HER aro Toxic gana release kurisey tai para share kurisey ki jitya tai ekta indie(Indian English) musician hobole suru kurisey manu khan para etu tu ekta “biya idea” asey koikina bhabna kurisey hoilebi etya manu khan etu ke loikina olop bisi open hoisey.
Add Comment