New Delhi, May 16 : Fan khan tu ekta exciting thriller drama nimitey rukhi asey. Kilemaney Vikrant Massey aro Mouni Roy laga film Blackout laga release date. Etu film laga makers para taikhan laga instagram account te jaikina May 16 te etu film laga release date reveal kurisey. Etu excitement ke baraikina taikhan para etu film laga first poster bi share kurisey. May 16 te instagram te 11:11 Production para Blackout film lag acast, Vikrant Massey, Mouni Roy, Sunil Grover, Saurabha Ghadge aro Karan Sonawane logotey milikina etu film laga first poster aro release date share kurisey. Etu poster te, Vikrant aro Mouni tu shock hoikina thaka dikhaisey aro Sunil Grover tu ekta axe dhurikina smirk(ekta alag style te hasa) dikhaisey. Dusra fale, Sourabh aro Karan ke bi ekta red gari bhitor te shock hoikina buhi thaka dikhisey. Vikrant Massey, kun 12th Fail film nimitey bisi morom paisey, tai tu tailaga next film ‘The Sabarmati Report’ nimitey tayar hoi asey. Etu film te actress Rashii Khanna bi asey. Etu film laga teaser para already bisi dangor morom paisey. Etu laga alava tai Rajkumar Hirani laga next project te bi kaam kuribole tayar asey. Ekta report hisap te, etu show te Vikrant Massey lead role te thakibole asey. Etu film ke Amir Satyaveer Singh para direct kuribole asey kun para jaija homoitey Hirani laga modod kurisey. Mouni Roy ke bi olop din ageyte Emraan Hashmi logotey ‘Showtime’ koikina ekta web series te dikhisiley.
Vikrant Massey aro Mouni Roy laga film ‘Blackout’ laga release tarik
Add Comment