May 16, 2024: Kiphire laka monthly DPDB meeting para alak alak issues kan deh kotha kuri shae, 15th May 2024 lua meeting deh. Meeting tho DC Kiphire, Temsuwati Longkumer NCS laka chairmanship laka pitor deh lui shae.
Last meeting tho review kuri nah, members para Yanghi Govt. High School tho Govt. Higher Secondary School deh upgrade kuri bol kotha kuri shae. Concerned department keh Yanghi Govt. High School laka jaka tho relocate kuri b kui nah direct kuri nah ase. Itia laka jaka tho upgradation karne additional structure bana bole thik nahoi kui nah. Chief Animal Husbandry & Veterinary Service laka officer deh security fencing bana bo lakeh kui nah proposal tho aha meeting karne rakhi di shae.
Aspirational District Programme laka pitor deh, Certificates aro toll kit kan candidates, kun kan ‘bamboo handicraft’ deh successfully train kuri shae, taikan keh bhak kuri shae. Temsuwati para successful persons kan keh, taikan laka innovation chu bi kui shae, daily use karne items bana bole. State Disaster Responsive Force Personnel laka need deh kotha kura time deh, members kan etu tho NDRK keh dibo kui nah decide kuri shae, approval karne.
Principal Zisaji Presidency College para taikan laka program deh highlight kuri shae. Program tho students kan keh alak alak department aro offices deh attach kuri bo karne ase, internship program karne. Etu mamla deh, board para College lokot deh MOU sign kuri bole acha kuri shae, kotha kan kura piche deh. Piche deh, DC para District deh taka offices laka heads kan keh students keh paratak motot kuri b kui nah urge kuri shae. SP, Kiphire para internship time deh, students kan keh ekta law abiding citizen bana bole educate kuri bo lageh kui na,h taila jinta express kuri shae.
Kiphire laka pitor deh taka sob department laka heads kan keh yat kuri di shae, sobse latest Department of Profile thot 5th June 2024 nahua time deh DPO (Planning) keh submit kuri b kui nah. ADC, Robin para sob offices laka heads kan keh aha ULB election 2024 karne ready taki b kui shae. Tuita nutun members, Dr. R. Wapang Imchen CMO, Kiphire aro Aosanen Technical Assistant (Skill Development and Entrepreneurship) keh welcome kuri nah introduce kuri shae meting time deh.
(DPRO) kiphire)
Add Comment