Suriya laga ‘Kanuva’ film laga war kora part tu 10,000 opor manu logotey shoot kurisey

New Delhi, May 17 : ‘Kanguva’ film kuntu te Suriya Sivakumar tu main role kuri asey aro Bobby Deol tu gunda laga role kuri asey . Etu film te sobsey dangor war scene asey kuntu te 10,000 opor manu shamil thakisey. Sources laga hisap te etu film laga war scene tu international l(dusra desh) laga experts laga under te shoot kurisey. Etu film laga teaser (khata advertisement video) te dikha nisna, etu film te kunba bhayanak war sequence khana sey. Aro etu film laga kahani tu duita jamana te set kurikina . Aro etu majotey ekta jamana tu pre-historic(etihas likha aro civilization ahibole laga agey laga) jamana asey. Ekta josh uthaidiya laga jankari te, etu film laga production logotey close thaka ekta source para etu film laga dangor war sequence laga bari te ekta jankari share kurisey. Etu source para koisey, “Etu film laga makers, Studio Green, director Siva aro pura team para etu film laga theme aro subject ke nyay kuribole nimitey war kora part laga sob kona te kaam kurisey. Etu film te sobsey dangor war sequence asey. Kuntu te Suriya Sivakumar, Bobby Deol aro 10,000 opor manu asey.” Etu source para agey barikina koisey, “Pura war episode laga action, stunt aro visulaisation para loikina, sobkuch tu international expertise laga under te kurisey taki etu ke sabole ekdam moja hobo.” ‘Kanguva’ film ke Siruthai Siva para direct kuri asey aro eku doubt nathakikina etu film tu etu saal laga sobsey dangor film majotey ekta hobole asey. Etu film tu Bobby Deol laga first South Indian film hobole asey. Etu film tu 2024 laga last fale release hobole asey.