May 17, 2024 : District Sports Officer, Kohima Zhopovi Zecho para toh hoiley ekta circular tey inform kurishey, itu sob School/ Institution khan ke, itu Kohima District under tey, ki, itu District Sports Office Kohima toh hoiley Pre-Subroto Tournament (District Level) Football conduct kuriboley asey, Chukra khan toh hoiley under – 15 nimitey, 29th & 30th May, 2024 tey, Kohima laga IG Stadium tey. Itu participate kuria team khan para ke ensure kuriboley koishey, ki itu sob player khan toh hoiley participate kuri asey koi kena, itu tournament tey, aru itu same school para hoboley lagey. Itu selection toh hoiley kun he poila hobo tai ke loboley asey, kotey itu first 8 team khan (School) laga toh hoiley itu District Level tey participate kuriboley allow kuriboley asey koishey.
Tai khan para arubhi inform kurishey ki, itu participate kuriboley thaka students khan nimitey criteria khan itu School/ Institution khan toh hoile 15 saal para nichey hoboley lagey, kun khan toh hoiley 01 January, 2010 tey nahoiley itu laga agey tey jonom hoa laga hoboley lagibo, select hoboley mon thakiley. Itu sob interest thaka School / Institution khan kuntu toh hoiley Kohima District under tey asey, tai khan ke confirmation toh hoiley email tey para pathaboley koishey, districtsportsofficerkohima.gmail.com ke nahoilebi # 7005088728 para pathaboley koishey, 20th – 25th May, 2024 majetey.
Add Comment