New Delhi, May 19: Actor Kangana Ranaut tu Lok Sabha election 2024 te Mandi seat para ekta Bharatiya Janata Party (BJP) candidate hoikina contest kuri asey. Taipara ajikali diya interview majotey ekta interview te Kangana ke Mandi laga Lok Sabha seat jitisey koile Bollywood charibo na nai koikina huda homoitey, Kangana para, ‘Hoi’ charibo koisey.
Etu tu ekta bisi dangor dawa asey, hoilebi jitya Kangana para Bollywood tu ekta galat perception charey koikina koisey tai para etu kotha kobole eku kasar charanai. Tai para Aaj Tak ke koisey, “Film laga duniya tu ekta dhoka asey, tatey sobkuch nakli asey.Taikhan para ekta bisi alag environment banai. Etu tu ekta chamakdar duniya asey, ekta bubble nisna kuntu toh audience ke attract kuribole karney asey. Hakikat tu etu asey.” Ageybarikina, jitya Kangana ke tai Bollywood laga kaam aro politics majotey kinaka manage kuribo koikina hudisiley, tai para koisey, “Ami tu ekta bisi passionate(junoon thaka) manu asey. Ami para kitya bi kaam tu majburi te nokorey. Film khan te bi, ami likha suru hoi. Aro jitya ami ekta role kuribole alchi hoijai, ami nijor direct nohoile produce korey. Toh, amilaga dimag bisi fertile(ki ki kuribole pariya laga) asey aro ami tu ekdam junoon para kaam kuribole mon asey.”
Agey barikina, Kangana Ranaut para koisey ki ekjun manu tu ekta career te hey thakibo lagey. Jitya Kangana ke tai Bollywood charisey koiley, tai bisi manu laga mon bhangabo koisey. Tai para koisey ki bisi director khan etu bhabna logotey dukhi asey. Tai para enaka koisey, “Hoi, amike bisi filmmaker khan para koisey ki amikhan logotey ekta bhal heroin asey, please najabi. Ami bhal acting korey, hoilebi chalo etu bi ekta bhal bhal compliment asey.”
Add Comment