New Delhi, May 19 : Naseeruddin Shah tu kityabi samaj laga mamla aro desh laga bhalayi laga mamla te kotha kuribole sorom nokorey. Tai tu homoi homoitey kotha kobole laga azadi aro cinema te rajneetik influence huwa laga opor te kara opinion(nijor laga vichar) jatai thakey. Cannes Film Festival te Brut India logotey kora ekta recent interview te, tai para dhorom ke loikina ekta ‘courageous’(eku bhoi nakhaikina bahadur para kora) film kuribole mon asey.
Naseeruddin ke judi ekta film nimitey taikey etya chuli thaka samaj mamla ekta chunible lagisey koiley tailaga choice ki hobo koikkina hudisiley. Tai para jawab dikina koisey, “Ami laga hisap te religion. Ami laga hisap te courageous film khan tu enaka mamla te banabo lagey kuntu amikhan sob manu laga bhabna te asey. Ami laga bhabna te, etu(dorom) tu insaniyaat logotey huwa sobsey darawana bustu majotey ekta asey. Aro etu nimitey ami para bisi saal ageyte ‘Khuda Kay Kiye’ koikina Pakistan te kora ekta film ke consider korey, kuntu toh ekta important film asey, Manthan nisna ekey important asey.”
Tai para agey barikina koisey, “Kunba manu khan para etu kuribole kosis kuri asey aro astey astey kurikina taikhan laga number barijabo parey hoilebi ekta direct statement banabole asaan nohoi. Aro ekjun manu para tailaga message tu bhal para dikhabo lagey.”
Add Comment