May 21, 2024 : Itu Mokokchung District Planning & Development Board (DPDB) laga muhina laga meeting loishey, itu Advisor of Water Resources & Chairman Mokokchung DPDB, Tongpang Ozukum laga Chairmanship under tey, District Planning Conference hall, Mokokchung tey para, 21st May, 2024 tey.
Itu meeting toh hoiley itu Assistant Deputy Commissioner para ekta plantation drive, water harvesting, aru water rejuvenation propose kuri kena shuru kurishey, 5th June 2024 tey, World Environment Day logotey coincide kuri kena. Tai para sob government official khan ke urge kurishey, tatey present thaka khan ke, active para participate kuriboley karney, itu celebration tey aru concern department khan ke direct kurishey, lagi thaka arrangement khan banaboley, itu proposed agenda nimitey.
Alag alag bishi key agenda khan toh hoiley address kurishey aru approve kurishey, itu meeting laga homoi tey, Wameken Yimsen village laga recognition bhi milai kena Tuli Sub- division under tey, duita society khan laga registration, ekta Sub- treasury office laga establishment Tuli Sub- division tey, aru itu school laga nomenclature budli kuriboley Green Hills Public School para Green Hill Academy kuridiboley. Itu decision khan toh hoiley direct kuri dishey, itu respective department khan ke forward kuriboley, aru bhi action khan loboley karney.
Itu Department of Animal Husbandry & Veterinary Services para presentation dishey, tai khan laga department laga operation khan aru chuli thaka project khan highlight kuri kena. Itu Department of Public Health Engineering para presentation khan deliver kurishey, tai khan laga chuli thaka project khan showcase kuri kena. Itu house para PHED ke instruct kurishey, compile kuriboley aru maintain kuriboley data khan, plastic waste management khan opor tey, sob block khan laga aru monitor kuriboley koishey, community plastic waste disposal khan laga.
Add Comment