Agencies, 08 November: Kerala shuttler NG Balasubramannian logode Kerala Badminton Association pora tui-sal karni suspend koridese. Etu suspend kora toh tai pora state body logode kelaaf kori kena post kora karni ase. Twitter deh Balasubramannian pora post kori kena thaga toh tai tuita photo khelari logode debo karni Kerala Badminton logode support kori kena post kora thakise. First photo deh tai Karnataka State Doubles Champion logode Rs 14000 poisa powah post kora thakise. Aro second photo deh tai Kerala State Doubles champion logode poisa zero deya post kora thakise. Times of India hesab deh, KBSA pora October 26 time de khelari khan logode poisa deya eku najanaideya thakise. Balasubramannian logode notice deh jawab debo karni14 din time deya thakise aro tai laga jawab ke federation khan kushi napowah thakise. Etu pora tai logode tui-sal karni suspend koribole para thakise. KBSA statement deh Balasubramannian logde suspend kora toh kondu district, state nahoile national level de khelibole naparibo karni tui sal karni suspend korise. Tai 4-11-2018 pora 3-11-2020 tak kee laga badminton deh hoilebe khelibole naparibo.
Add Comment