Duita Bank Laga Employee Ke Arrest Kurishey, Wokha District Tey, Rs 14.62 Lakh Laga Poisa Ephaney Uphaney Kuria Nimitey

May 26, 2024 : Ekta delay kuri kena diya report tey, Wokha laga police para duita employee khan ke arrest kurishey, Axis Bank laga, May 20^th tey, Rs 14,62,500 toh alleged para misappropriate kuria nimitey, itu DBHSS Wokha laga bank account para, kuntu toh hoiley fee collection nimitey maintain kuri kena thakishey, January 8, 2013 para. Ekta press note laga hisap tey, Additional SP & PRO Wokha police – K Soriso para koa hisap tey, ekta complaint toh hoiley receive kurishey, Axis Bank branch head Gaijinlung Kamai para, financial misconduct laga regard tey, duita employee khan involve thaka laga, kun khan toh hoiley Lochumbeni Erui tai ekta cashier thakishey aru Tungdemo Murry tai ekta assistant sales manager thakishey. Preliminary enquiry khan para janiboley parishey ki Tungdemo toh hoiley Dimapur tey thaka manu asey aru Lochumbeni toh hoiley Delhi tey. Itu toh hoiley ascertain kurishey ki, itu duijon toh hoiley bank laga fund toh embezzle kuri thakishey itu concerned authority laga knowledge nathaki kena. Aru further enquiry kuria pichetey, itu bhi ascertain hoboley parishey ki, tai khan toh hoiley ekta confession letter bhi dishey, itu erstwhile bank laga head Kahuto Achumi ke, tai khan laga involvement thaka regard tey, school fee embezzlement tey, PRO para koishey