Piyush Mishra para ‘Maine Pyar Kiya’ te Salman Khan laga role napa laga kotha koisey

New Delhi, May 26 : Etu tu ekta jana mana kotha asey ki ‘Maine Pyar Kiya’ te Salman Khan laga role tu sobsey poila Piyush Mishra ke offer kurisiley. Sooraj Barjatya laga etu first direct kora hindi film para taikey ekrati te ekta star banaidisey. Etya, etu laga kotha kurikina, Piyush para share kurisey ki tai khusi asey ki tai etu film te Prem laga role koranai. Ekta interview te, Piyush para share kurisiley ki tai najaney ki etu topic tu kinimitey eman barijaisey. Tai nimitey etu tu eman dangor kotha nohoi. “Ami star hoijaisey nohoilebi ami etu role paisey enaka eku thakani. Etu tu ekta early discussion thakisey aro amikey bisi bhak Sooraj Barjatya laga baba (Raj Kumar Barjatya) ke consider kurisiley. Tai amikey lok kuribole ahisey; tai para amikey etu film te cast koranai. Etu tu ekdam bi dangor kotha thakanai. Manu khan para eney barai charaikina koisey ki ami tu ekta star hobole hey thakisey hoilebi hobole paranai.” Piyush para agey barikina koisey ki tai tayar thakanai. Aro tai khusi asey ki tai etu role panai kilemaney tai para success ke handle kuribole naparibole thakisey. Tai utu homoitey 26 years laga chokra thakisey. Tai success handle kuribole naparibole thakisey. Tailaga dimag urijabole thakisey. Tai para enaka stardom handle kuribole naparibole thakisey aro tai etu  swikar korey. Tai khusi asey ki etu tailogotey huwanai.