New Delhi, May 27 : Zee Studios, Dharma Productions aro Cloud 9 Pictures para produce kora, Dhadak 2 tu November 22, 2024 te release hobole asey. Etu film ke Shazia Iqbal para direct kuribole asey. Etu film bana manu khan laga hisap te, Dhadak 2 para ekta inkaar kuribole napara laga kahani promise kuri asey kuntu te love(morom) explore korey aro samaj laga nyom ke challenge korey. Etu film laga motion poster te “Dalit Lives Matter”(chutu jaat manu laga jibon matter korey) aro ‘Educate, Agitate, Organise” likhikina thakisey.
Etu film te Siddhant laga character para ekta love story te loijai kuntu te samaj laga expectation aro jaat laga barriers(badha ana) ke bhangai. Aro enaka journey promise kuri asey kuntu tu romance, drama aro emotions para bhorta asey kuntu tu duniyabhor te etu film sa manu khan laga zindigi nohoilebi bhabna kora tarika logotey milibole asey. Original film ‘Dhadak’ laga theme ke zinda rakhikina, ‘Dhadak 2’ para bi caste(jaat) hisap te manu khan logotey anyay kora te focus kuribole asey. Kuntu para Siddhanth aro Triptii laga love story te ekta badha anibole asey.
Karan Johar para tailaga instagram account te etu film laga announcement official kurisey. Aro enaka caption dhalisey, “Etu kahani tu olop alag asey kilemaney ekta raja thakisey, ekta rani thakisey, jaat alag alag thakisey, kahani khotom.”
Add Comment