Ajay Devgn, Tigmanshu Dhulia tu India laga first Dalit cricketer laga opor te film banabole nimitey eksath ahisey

New Delhi, May 30 : ‘Maidaan’ picheyte, actor Ajay Devgn ke Tigmanshu Dhulia para India laga first Dalit cricketer Palwankar Baloo laga opor te film ban ate dikhibole asey. Ekjun film producer, Priti Sinha para May 29 te X te etu ekey announce kurikina ekta note share kurisey. Etu biopic(kunba manu lag aopor te kahani bana) laga shooting tu 2023 saal khotom huwa tak te suru hobole nisna asey. Etu film tu historian Ramchandra Guha laga book ‘A Corner Of A Foreign Field’ laga opor te asey. Najana manu khan nimitey, Palwankar Baloo tu Dalit community(chutu jaat) para  belong korey. Aro tailaga journey tu Pune te ekta cricket club te grounds man hoikina suru kurisey. 1896 te tai Hindu Gymkhana nimitey cricket khilibole select hoisiley. Tailaga opor te book likha tu tai zindigibhor tailaga career te discrimination jhela laga opor te asey. Ajay Devgn ke akhri bar ‘Maidaan’ biopic te dikhisey. Etu tu purana jamana laga mashoor footballer Syed Abdul Rahim laga opor te thakisey.