US, 30 May : Ekta Virginia-based IT services company ke ekta job advertisement karney $38,500 (Rs 32,11,177) fine kurishey kuntu para khali white, US-born applicants ke ad dey sough kurishey, BBC report kurishey. Itu discriminatory advertisement toh Arthur Grand Technologies para March 2023 dey ekta business analyst position karney hiring site ekta dey post kurishey.
Itu ad para social media dey rage spark kurishey aro julti national attention dhurishey, kuntu piche dey Justice Department aro Department of Labor para ekta investigation launch kurishey. Arthur Grand toh itia US treasury ke civil penalties dey $7,500 diwo lagey aro itu ghatna dey manu khan para complaints file kuria ke compensation karney total $31,000 diwo lagey.
US Department of Justice para itu penalty announce kurishey, kuishey ki itu ad para federal civil rights aro labour laws ke violate kurishey. Iti company para sob company employees ke training diwoley vaada kurishey kun khan itu candidates ke recruit, select nahuiley open positions karney interest laga expressions track kuria dey milaina asey
Add Comment