New Delhi, May 31 : Actor Manoj Bajpayee para share kurisey ki tai para Sanjay Leela Bhansali laga film ‘Devdas’ te Chunnilal laga role kinimitey reject kurisey. Ekta recent interview te Manoj para khulasa kurisey ki tai tu theatre te kaam kora laga homoi para Devdas laga role kuribole mon thakisey.
YouTuber Sushant Sinha logotey ekta baat-chit kora homoitey, Manoj ke tai para kityabi enaka film te kaam kuribole offer aha tu reject kurisey na nai kuntu picheyte superhit hoijaisey koikina huisey. Etu ke jawab dikina Manoj para koisey, “Hoi, amikey Devdas te Jackie Shroff laga role offer kurisiley hoilebi ami para logalok mana kuridisey. Ami para Sanjay ke koisey, ‘Sanjay, yaar, ami laga poila para Devdas laga role kuribole iccha thakisey.”
Manoj para agey barikina koisey, “Etu film tu ekta superhit hoisey, hoilebi ami para etu ke mana kuridiya nimitey eku regret nai. Ami theatre te kaam kurithaka din para Devdas laga role kuribole mon thakisey. Ami Dilip Kumar laga film sa nohoilebi tailaga kitab pora homoi para. Hoilebi ami kityabi etu nimitey biya laganai.”
Ageyte, Manoj para YouTuber Ranveer Allahbadia logotey kotha kora homoitey film industry bhitor te politics chola laga bari te discuss kuri thakisey. Tai para koisey ki ekta bhal actor hobole nimitey ekjun manu tu intelligent(dimag bhal) hobole lagey. Tai para koisey, “Etya tak bi amikhan laga actor khan etu bhabna kuri thakibo ki acting laga pora aro jankari pa logotey eku lena dena nai koikina bhabna kuri thakibo, etu soch tu bodli hobole nohoi.” Ekta bhal actor hobole nimitey pni intelligent aro jankari bhal para thaka manu hobo lagey. Acting te sobkuch asey, sob subject kuntu laga apni aney kobi sapna hey paikina thakibo parey.”
Add Comment