Mokokchung,31 May: Mangkolemba Sub-division te SDPDB meeting takeshe. Etu meeting toh Mangkolemba Sub-division te taka manu khan majot te phal pora government laka kam anepole koreshe. Etu meting toh Lakhuni boti te takeshe. Etu metting toh 30May te takeshe.
Etu meeting laka chairmen toh ADC pora loishe. Lakhuni Bosti Te 120 khor ase. Aro etu bosti te taka manu khan peshe phal to tamul koti kas laka business kore aro rubber kas lakai kena etu pora rubber laka pani laka business kore.
Etu meeting te Chairmen pora Lakhuni bosti kahn pora phal pora bamboo laka cup aro bamboo laka pata pora thale ponia kena jola opor te peshi koshi pa laka kota koishe. Tai koishe ke enaka bamboo pora saman khan ponai kena jola toh duniya te peya aro letra jenese pora pajai. Aro etu jola pora plastic pora saman pona phe najola hoijai. Etu pora aro peshi duniya laka sapa nemete peshe motot kore.
Tai koishe Longnak-Mangkolemba laka rasta kon tohe eteya ponai ase etu toh etu salt te kotom hoi jabo koishe.
Etu meeting te Local Area Development Program 2024-25 betor te ke kam khan korebo koishe etu khan maneshe. Aro alak alak departments khan ke Longdikaba te Dispensary Sub Centre kolebole kora aro Government Primary School aro Government Primary School Lizo Model Bosti te aro Government High School ponabole taka laka kam khan toh cholti khotom korebole jane teshe. Etu meeting alak alak departments laka dangor officers kon toh Mangkolemba Sub-division te ase tai khan pe phal pora asheshe koishe.
Add Comment