June 01, 2024 : Ekta coordination meeting loishey, Civil Society Organisation khan logotey, ULB election laga conduct kuriboley laga opor tey, Seyochung Town Council karney, itu Additional Deputy Commissioner laga office chamber tey, Seyochung, Kiphire tey, 1st June, 2024 tey.
Ekta press release tey, itu Returning Officer para, itu Seyochung Town Council para inform kurishey, ki, itu coordination meeting toh hoiley representative khan para attend kurishey CSO khan para, Eastern Sumi Hoho, United Sangtam Likhum Phumji, AST, Seyochung Town Joint Community aru Town GB khan milai kena.
Additional Deputy Commissioner, Imsenperong Wati, NCS itu meeting ke preside kuri kena ekta overview provide kurishey, itu meeting laga objective khan.
ESH President, K. Tokishe Sema aru USLP Executive Member, K. Vikiya duijon laga bhi itu meeting tey kotha kuri kenam emphasize kurishey, public emergency declare kuria lag aitu ENPO para, itu toh itya bhi effect tey asey koi kena.
Itu Additional Deputy Commissioner para inform kurishey ki, itu Government toh hoiley standard election process khan logotey aru tyaari kuria ULB election conduct kuriboley nimitey, proceed kuribo koishey.
Add Comment