Deepika Padukone laga 3ta film Rs 2550 crore opor kamaikina tai para etihas banaidisey

Mumbai, June 04 : Deepika Padukone para nijor ke box office laga  kunbi inkaar kuribole napara laga queen banaidisey. Tailaga 3ta recent film ‘Pathaan’, ‘Jawan’ aro ‘Fighter’ tu milaikina Rs 2550 crore opor  kama nimitey. Lagatar 3ta film hit huwa para box office te tailaga shandaar prowess thaka tu highlight kuri asey. Aro taikey Indian cinema te ekta  khatarnak shakti nisna dikhai asey. Tai para ekta picheyte ekta lagatar hit film dibole pariya tu tailaga manu khan laga mon jitikina thaka aro star power laga sabut asey. Kun Indian actress para bi etya tak bi enaka kamyabi hasil koranai. Etu ekdam dangor box office success tu khali kamayi kora nohoilebi number laga achievement ekla nohoikina etu para duniyabhor te Deepika Padukone kiman popular asey etu ke bi dikhai asey. Tailaga etu 3ta film bi poisa kama aro manu khan para judge kora hisap te  bi bisi bhal perform kurisey. Kuntu para roles select kuribole pariya laga kabiliyat dikhaia sey kuntu film ke judge kora manu khan aro audience khan para bi khusi pabo. Rs 2550 crore opor kama tu ekta bisi dangor kamyabi asey kuntu film industry te bisi komti manu khan hey hasil kuribo parey. Aro ekta actress kun laga juwa dui saal te lagatar 3ta film hit hoisey, etu tu ekta nutun record asey.