Chief of India, high-ranking official khan nimitey Chandu Champion special Army screening rakhibole asey

New Delhi, June 05 : Sajid Nadiadwala aro Kabir Khan para milikina produce kora film ‘Chandu Champion para ekdam dilchasp trailer aro chart ke top kuridiya gana “Satyanaas” aro “Tu Hai Champion” para pura hilaikina rakhi asey. Etu film nimitey manu khan laga excitement bari thaka homoitey etu film laga promotion khan bi full swing chuli asey. Etu josh ke barkarar rakhikina, June 05 te India laga Army Chief aro high-ranking brigadiers khan nimitey Wednesday(June 05) te ekta special film screening organise kurisey. Kun khan para India laga first Olympic gold medalist, Murlikant Petkar ke bi felicitate kuribole asey.  Etu tu “Chandu Champion” laga team nimitey ekta bisi garv kuribole laga homoi asey. Kilemaney etu film tu sobsey poila Army laga dangor manu khan ke dikhai asey.  Kartik laga film Chandu Champion ke Sajid Nadiadwala para produce kuri asey. Etu film te Shraddha Kapoor tu female lead kuri asey hoilebi etu film bana manu khan para etu kotha ke janai nidikina thakisey. Etu film laga kahani tu Murlikant Petkar laga jibon laga opor te asey. Najanikina thaka manu khan nimitey, Petkar tu ekta gold medalist asey kun para 1970 Commonwealth Games te desh laga naam uccha kurisey aro 1972  te Germany te huwa Paralympics te bi desh laga naam uccha kurisey. Producer Kabir Khan laga Chandu Champion tu cinema te June 14, 2024 te release hobole asey.