Bengaluru court para Rahul Gandhi keh bail grant kuri shae, defamation case deh

June 7, 2024: Congress leader Rahul Gandhi keh ekta local Bengaluru court para bail grant kuri shae, Friday din deh. Etu bail tho ekta defamation case deh ase kuto ekta Bharatiya Janata Party (BJP) leader para file kuri shae. Special magistrate KN Shivakumar para Gandhi keh bail di shae, tai aha piche deh. Court para next hearing tho June 30 karne scheduled kuri nah ase. Former member of Parliament (MP) DK Suresh para Gandhi laka nam deh Rs 76 lak laka property provide kuri shae security karne. tai etu dia piche deh bail tho secure hui jai shae. BJP para Congress leaders laka against charges kan press kuri shae, false advertisements kan dali nah taikan laka party keh target kura karne. BJP MLC aro general secretary Keshav Prasad para defamation case tho file kuri shae. Tai para sob public works kan karne 40% laka commission charge kuri shae kui shae. Case tho Siddaramaiah, Shivakumar and Gandhi laka against file kuri shae. June 1 deh, Karnataka CM and deputy chief minister, 42nd Additional Chief Metropolitan Magistrate laka agae deh ahi shae. taikan laka plea piche deh court para taikan keh bail di shae.