New Delhi, June 07 : Duniya laga sensation BTS tu khali tailaga akarshit kuridiya gana aro eku mistake nathaka dance moves ekla nohoikina ARMY(BTS laga fan khan ke ARMY koi) khan laga heart te ekta special jaga dhora nimitey bi jana jai. Etu Golden maknae(team laga sobsey chutu member) para ekta dangor kamyabi hasil kurisey. BTS laga sobsey chutu member, Jungkook tu etu group laga golden maknae jana jai. Kun para tailaga latest single gana Nener Let Go release kurisey. Etu gana para ARMY(BTS fan khan) ke strong friendship laga mamla te ekta strong message pathai asey.
Fan khan tu tailaga etu latest gana ke loikina pura pagla hoijaisey aro social media te bisi josh dikhai asey.
Jungkook para bisi gana release kurisey including 3D kuntu te Jack Harlow feature kurisey, Too Much kuntu te The Kid Laroi aro Central Cee thakisey aro ‘Standing Next to you”. Etu sob gana khan tu sob region te musical chart te top jaga loisey. Najanikina thaka manu khan nimitey, BTS (Bangtan Sonyeondan) tu ekta South Korean boy band asey kuntu tu 2010 te form hoisiley. Etu band te Jin, Suga, J-Hope, RM, Jimin, V aro Jungkook asey. Taikhan laga debut(first time kiba release kora nohoilebi audience khan laga samne te aha) tu 2013 te BIGHIT Entertainmnet laga under te taikhan laga single album 2 Cool 4 Skool logotey kurisey.
Add Comment