New Delhi, June 09 : Aishwarya Rai Bachchan tu Bollywood industry te ekta jana mana chehra asey. Jitya Aishwarya Rai ke Shah Rukh Khan para 5ta film para hataidikina tai bisi dangor mushkil jhelisiley, tai tu Bollywood te already bisi popular hoikina thakisey.
Ekta bisi purana interview te Aishwarya para tailaga acting career te tailaga sobsey mushkil ghari ki thakisey etu mon khulikina kosiey. Etu interview te taikey Veer Zara aro dusra film khan para kinimitey hataidisey koikina sawal kkurisiley.
Aishwarya Rai Bachchan para etu sawal laga eku jawab nai kuwa homoitey tai ekdam comfortable thaka nisna dikhanai. Aishwarya para koisey ki tai bisi film te kaam kuribole laga bari te bisi discussion chuli thakisey. Tai para koisey ki tai achanak para eku discussion nukurikina etu film khan para olaijaisey. Tai para reveal kurisey kinaka taikey eku proper karon nidikina film khan para olaidisey.
Etu baat-chit kuri thaka homoitey interview luwa manu Sime Garewal para Aishwarya ke inform kurisey ki Shah Rukh Khan para ekta interview te etu ke loikina apsoos janaisey . Tai para Aishwarya laga personal zindigi te interfere kora laga golti manisey aro koisey ki tai tu boundary cross nukuribole lagisey. 2003 te, Shah Rukh Khan para etu bi koisiley ki tai para enka abhabna kurisey ki Aishwarya ke dusra actress logotey replace kuribole mushkil thakisey aro etu tu ekta apsoos kora laga faisla thaksiey. Tai para etu bi koisey ki tai Aishwarya ke maaf mangisey.
Shah Rukh Khan aro Aishwarya para ekta bhal friendship bond share korey aro taikhan duijun tu Devdas, Josh, Mohabbatein, Ae Dil Hai Mushkil aro bisi film te eksath kaam kurisey.
Add Comment