Ajay Devgn aro Tabu laga ‘Auron Mein Kahan Dum Tha’ trailer release hobole asey

New Delhi, June 11 : Ajay Devgn aro Tabu laga film ‘Auron Mein Kahan Dum Tha’ film  laga first look release huwa homoi para, fan khan tu etu ke loikina pura pagalpan dikhai asey. Bisi homoi picheyte Silver screen te, etu duijun ke romance kora dikhibole thaka nimitey fans khan bisi excited hoikina asey. Etu film laga release huwa poster te dikhikina etu pakka kobo parey ki etu film tu ekta jordar love story laga bari te hobole asey. Etu film laga writer aro director tu Neeraj Pandey asey. Etu film laga close thaka sources para reveal kurisey kit u film tu June 13 te release hobo. Etu film laga poster release kora te Ajay Devgn aro Tabu laga jordar onscreen chemistry dikhaikina etu film laga makers khan tu public khan para bisi bhal response paisey.Dangor screen aro OTT te tailaga ekdam alag kahani kuwa style nimitey jana ja Neeraj Pandey para etu film logotey tailaga first epic love stiry present kuri asey. Auron Mein Kaha Dum That u ekta musical romantic drama asey, kuntu 23 years tak chulisey, 2000 aro 2023 majotey set kora laga asey. Etu film laga original sound track ke Oscar jita music director MM Kreem para compose kurisey. Etu film te Jimmy Shergill, Saiee Manjrekar aro Shantanu Maheshwari bi asey.