June 22, 2024: Banita Sandhu lah love life tho manu khan bishi sai asey kentu tai Candaian singer-rapper AP Dhillon lokot relationship lah suspect thaka upur karney. Taijun lah majo dae romance thak tho taijun AP Dhillion lah 2023 music video (With You) dae aha pra ahishey.
Jua saal, taijun lah music video ola bichedey kutey bishi intimate aro tender moments thakishey, Banita pra taijun lah kunba intimate photos bataishey ekta hotel room dae. Manu khan bishi etu taijun relationship jai asey hoina confirm kurishey. Etu hui kina bhi, Banita nohoiley bhi AP Dhillon pra officially etu rumours confirm kura nai.
BCC Asian Network lokot ekta interview dae, Banita Sandhu kae dating rumours upur bishi sawal kurishey, Kitya hutishey, “Apuni tai lokot asey?” Tai pra ektum chalak pra jawab dishey, “Ami apuni lokot itya asey”. Tai kae aro hutishey, “apuni date kuri thakiwo”, tai pra aro jawab dishey, “ami apuni lokot asey”, Etu host pra aro comment dishey ki taijun tho ekta bhal couple panai, kutey Banita pra jawab dishey, “Eman sweet, thank you”.
Baita Sandhu aro AP Dhillon tho eki lokot Dhillon lah romantic music video dae star kurishey nutun singe “With you” karney. Etu release hua bichedey, taijun majo dae real-life romance thak upur suspect thakishey.
Professional front faley, Banita Sandhi tho ekta Welsh actress asey kun Varun Dhawan lokot appear kurishey Shoojit Sicar lah 2018 film dae. Tai bhi Sardar Udham dae Vicky Kaushal lokot feature kurishey aro Bridgerton Season 3 dae bhi feature kurishey.
Add Comment