June 22, 2024: Odisha laka Balasore district deh taka ekta mota para ekta property dispute karne taila elderly ama, baba keh murai di shae, police para kui shae. Taikan para accused kun Garasanga bosti laka Ramesh Behera ase, tai polai nah ase kui shae aro taike arrest kuri bo karne ekta search operation launch kuri nah ase kui shae.
Ramesh tho taila baba, Bulei Behera (90) aro ama, Champa Behera(75) keh murai dia karne accused ase kui shae Police para. Couple tho char din karne hari jah piche deh, taikan laka maike bacha Mamata Mallick para ekta missing complaint file kuri shae, Simulia police station lokot deh. Etu piche deh police para investigation launch kuri shae.
Simulia police station inspector in-charge Swarnalata Minj para baba, Bulei laka body tho ghor deh dabai nah pai shae kui shae, Friday din deh. “Daba jaka deh bia ekta kun ahi taki shae. Mukan para mati tho kunti nah body tho recover kuri shae. Ramesh para taila ama laka body tho osor deh taka pond deh pilai di shae kui nah suspect kuri ase mukan. Accuse keh arrest kuri bo karne mukan teams kan form kuri nah ase,” Minj para kui shae.
Police laka isap deh, Ramesh tho taila parents lokot bui taki shae, taila maike aro bacha kan para taike chara karne. Report isap deh maike aro bacha tho assault karne taike chari di shae.
Add Comment