June 22, 2024 : Smooth para ULB election conduct kuria ensure kuriboley, ekta final phase laga training conduct kurishey, ULB polling officer khan logotey, Peren Town hall tey para, 21st June 2024 tey.
Nodal Officer, training management – Albert para tai laga welcome address tey tai laga appreciation extend kurishey, itu sob polling officer khan ke, itu training program tey present thaka khan ke.
Peren laga ADC & RO – Japheth Woch para itu galti hoa khan ke point aru kurishey aru jawa Lok Sabha election tey error khan kuria opor tey aru itu polling officer khan ke bhi congratulate kurishey, itu Lok Sabha election toh bhal para successful para conduct kuriboley apra nimitey. Tai para emphasize kurishey aru encourage kurishey itu officer khan ke sincere hoboley karney aru tai khan ke assign kuri kena thaka duty khan toh polite manner para perform kuriboley koishey.
Tai para koishey ULB election toh hoiley crucial asey, itu jawa Lok Sabha election khan logotey milai sailey aru itu district laga RO hoa hisap tey; toh toh tatey khara thaki asey itu sob polling officer khan ke modod kuriboley hudai din tey, ki ki laga tarika para bhi, para- tak, kitya kitya bhi tai ke lagi asey koiley. Tai para ekta brief highlight kurishey itu rules aru procedure khan opor tey, kuntu toh hoiley strict para adhere kuriboley laga asey, sob manu khan aru itu officer khan ke remind kurishey tai khan laga duty toh hoiley utmost sincerity para kuriboley aru gali khan kuriboley para bachiboley koishey.
100 polling official khan para bhi bishi para itu training tey attend kurishey. Tatey Hieramchube aru Albert toh hoiley Master Trainer thakishey, itu final phase training nimitey.
Add Comment