June 28, 2024: Deputy national security adviser Vikram Misri, kun Beijing laka ekta former envoy ase aro China deh expert ase, taike India laka next foreign secretary appoint kuri di shae, Friday din deh, official notification isap deh. Misir tho Indian Foreign Service (IFS) laka 1989 batch officer ase, kun teetha prime minister laka private secretary taki shae. Cabinet laka appointments committee para pah notification isap deh tai July 15 deh taila nutun position lobo leh ase. Tai January 2022 deh National Security Council join krui shae. Tai Vinay Kwatra keh replace kuri bole ase, kun keh ekta choi mohina laka extension di nah taki shae April mohina deh. Etu eki notification para Kwatra laka extension tho July 14 tak valid taki bo kui shae. Kwatra tho India laka next United States ambassador hobo leh bishi expect ase. Washington deh etu key slot tho vacant hui nah ase, puila laka ambassador, Taranjit Sandhu, January mohina deh retire kura piche deh.
China expert Vikram Misri keh India laka next foreign secretary nam kuri di shae
