Special Registration Aru Health Camp Loishey, Migrant Worker Khan Nimitey, Kohima Tey

July 17, 2024: Information punchaboley aru essential service khan provide kuriboley laga bid tey, unregistered migrant worker khan karney, itu Nagaland Building aru Other Construction Workers’ Welfare Board (NBOCWWB) para ekta special registration camp conduct kurishey, itu Smart City Hotel construction site tey, 16^th para shuru kuri kena 17^th July 2024 tak tey. Ekta health screening camp logotey organise kuri kena, itu Labour laga Department aru itu Medical Department para, itu event toh hoiley inter- state migrant worker khan ke support kuriboley aim kurishey.

Itu program toh hoiley Kohima District laga Assistant Labour Commissioner – Neimenuo para chair kurishey, kotey toh hoiley ekta robust turn hoa laga dikhi paishey. Neimenuo para gratitude express kurishey, itu participant khan ek, itu migrant worker khan laga komjuri emphasize kuri kena aru tai khan laga limited access khan, healthcare service khan karney. Tai para Labour aru Medical Department laga effort khan highlight kurishey,itu health screening capm organise kuriboley, kotey toh hoiley free medical service khan provide kurishey.

Deputy CEO NBOCWWB, Vikehieto Naki para discuss aru deliberate kurishey itu Ministry of Labour & Employment laga development opor tey, itu eShram portal laga. Itu portal toh hoiley ekta National Database creat kurey, Unorganized Workers laga (UDUW), Aadhar logotey link thaki kena, itu worker khan laga alag alag scheme khan tey access kuriboley di kena.

Dr. Kevi from the Medical Department para ekta orientation provide kurishey, vector-borne diseases opor tey – malaria, dengue, aru chikungunya khan nishina. Tai para ekta sapha environment maintain kuriboley emphasise kurishey, itu nishina bimar khan para bachiboley.

Itu event toh, Deputy Commissioner, Kumar Ramnikant, IAS para itu camp toh inaugurate kurishey, migrant worker khan ke jani kena thakiboley aru register kuriboley encourage kurishey, itu alag alag scheme khan avail kuriboley. Tai para nijey nijey care kuriboley laga importance ke emphasize kurishey aru itu worker khan ke free facility khan chulaboley encourage kurishey, itu camp tey.