DIMAPUR, NOVEMBER 14 : All Nagaland College Students Union (ANCSU) Collegiate Meet laga Function toh Tongpang Ozukum, Minister, Public Works Department pora suru kuridese. Etu ke tai logot Host of Dignitaries, tai laga Department Officers, ANCSU Seniors aro Leaders kan Naga Students’ Federation kan eke pora melekena thakise koise.
Minister Ozukum pora etu din te kotha kurikena ANCSU logot tai melekena besi sal thaka janaise aro Concerned Departments, Nagaland University aro State Sorkar kan ke sob ekta nemite ahejabi aro etu nesena meet toh manabole kuribi koi kena janaise. Kele etu porahi Students kan laga babuna ki thakise (talents) etu kan toh sob ke janaidebole aro dekhaidebole opai baa hobo koi kena.
Etu din laga Programme toh Dievo Yano, Co-Convenor, Organizing Committee laga pora ahkete luijaide kena manaidese. John Ovung, Associate Pastor, Dimapur Lotha Baptist Church pora Isor laga bhal kotha janaise. Tsukjem Lkr, Convenor, Organizing Committee laga pora toh Keynote Address janaidese. Etubi ANCSU Collegiate meet pora Students kan ke alak-alak chis nemite opai dese etu kan nemite. Aro etu Convenor porabi Students kan ke tai kan neju laga bhal babuna kan toh ahkete luijabole kuribi koi kena mon dangor kura kotha janaise koise.
Presidential Address toh Kathor P Awomi President ANCSU pora janaidese. Etu ke tai State Sorkar ke Sports aro tusera Co-Curricular Activities kan bhal te anede kena manabole kuribi koi kena janaise (adopt). Imtiyapang Imsong, General Secretary, NSF pora toh etu ANCSU kan ke besi khushi baa janaidese koise. Aro Administration of Oath toh Benjong Longchar, Games & Sports in-charge nemite thaka pora janaidese kosie.
Add Comment